اكتب ايميلك ليصلك اخر اخبار ونصائح الموقع ولاتنسى تفعيل الرسالة التى تصلك على بريدك الألكترونى


العودة   منتدى أطباء الجلدية > :: أقسام الأطباء مصر - العرب (السعودية-العراق-سوريا-ليبيا-الاردن-الشارقة-ابوظبى) > دبلوم الجلدية ( كليات مصر)
التسجيل التعليمـــات قائمة الأعضاء التقويم البحث مشاركات اليوم اجعل كافة الأقسام مقروءة

الملاحظات

 
أدوات الموضوع انواع عرض الموضوع
  #1  
قديم 09-07-2011, 02:18 PM
Mrs.Mahmoud Mrs.Mahmoud غير متواجد حالياً
Senior Member
 

Ba93 دبلومة الأزهر

يا جماعة انا رحت اقدم ازهر لقيت الموظفة بتقولى مينفعش اقدم ماستر لأنى تقديرى جيد عام و جيد باطنة و كمان مش خريجة ازهر...و قالتلى ان رئيسة القسم قايلالها ما تاخدش اقل من جيد جدا...وورتنى الورقة اللى رئيسة القسم كاتياها لقيت مفيهاش تقديرات و لا حاجة...لقيت بس انها بتقول ان الأولوية لخريجى الأزهر و للتقدير الأعلى من اللى خارج الأزهر...
بس الموظفة رفضت ورقى و قالتلى روحى اسأليها لو عايزة...و قالت ان السنة اللى فاتت فيه ناس اتقدموا و اتحولوا دبلوم...اقولها يا ستى خدى الورق يمكن يحصل جديد و ياخدونا و لو ماخدوناش يحولونا دبلوم...قالتلى ما تقدمى دبلوم من الأول و انها مش هتاخد ملف يتركن عنده
اعمل ايه بقى؟...اقدم دبلوم مع انها وان شوت يعنى مش دبلومة حديثة؟...
كان نفسى اعمل ماستر...و كمان فيه طبيبة فى السعودية بتقولى الدبلومة دلوقتى بعض الأماكن مبتعترفش بيها
انا بجد زهقت و حاسة ان الجلدية مفيهاش خير ليا...لأنى زى ما حكيت قبل كده عن اللى حصل و ما قدمتش السنة اللى فاتت فى الأزهر بسبب تعجيز الموظفين لينا و بعدين عرفت انهم خدوا اعداد كتيرة...
الموظفين قالولى انهم خدوا 70 ماستر و 75 دبلومة...و السنة دى عايزين30 ماستر و 40 دبلومة
اقدم دبلومة جلدية و لا ماستر كلينيكال باثولوجى...؟رغم انى مش بحبه بس بجد زهقت من قعدة البيت وعدم الدراسة و من كلام الناس معايا كما لو انى كسولة و مش بحضر الماستر...و غلبت افهمهم انه مش كسل منى و لكنى كنت مستنية جلدية تجيلى و مفكرتش اخد غيرها و عشان كده اتأخرت...بس تقولوا لمين بقى...و استقلت عشان اخد جلدية بس استخير استخير و الاقيها مقفلة
دلوقتى انا قدمت كلينيكال باثولوجى عين شمس لأنه مفيش جلدية...و دلوقتى امامى ازهر و اسماعيلية...اقدم دبلومة جلدية ازهر و لا لأ؟...و ايه احتمالات قبولى من عدمه؟...و اقدم كلينيكال باثولوجى طب اسماعيلية
و لا اقدم كلينيكال باثولوجى ازهر و جلدية فى طب اسماعيلية
حد عنده فكرة الكلينيكال باثولوجى فى الأزهر و الأسماعيلية خد ايه السنة اللى فاتت؟
عايزة مشورتكم و ماتنسونيش فى الدعاء

قديم 09-07-2011, 08:05 PM   رقم المشاركة : [2]
enjisultan
Junior Member
 
افتراضي

اية عييب الدبلومة الوان شوت من وجهه نظرك يا دكتورة عشان انا اقدم فى دبلومة الازهر والفرق بينها وبين الدبلومة التو شوت بتفرق فى اية ؟



enjisultan غير متواجد حالياً  
قديم 09-07-2011, 10:19 PM   رقم المشاركة : [3]
Mrs.Mahmoud
Senior Member
 
افتراضي

الفرق هوه ان الدبلومة الحديثة ممكن اعمل بعدها رسالة و تبقى ماستر
لكن الون شوت لأ...و لا ايه؟...هوه ده اللى انا فاهماه
و الموظفة قالتلى ان دبلومة الأزهر امتحان واحد يعنى مش حديثة....ايه مدى صحة المعلومة دى؟...لأن زميلتى فى الكلينيكال باثولوجى قالتلى انه دبلومته حديثة...هوه بتفرق من قسم للتانى و لا من جامعة للتانية



Mrs.Mahmoud غير متواجد حالياً  
قديم 09-08-2011, 01:41 AM   رقم المشاركة : [4]
drmido2020
Member
 
افتراضي

جربى ازهر بنين يا دكتورة بيقبلوا كله سيبك من كلامهم ولو مان فعش خالص الدبلومة مش وحشة كدا دا هتكونى بها اخصائى فى النقابة ولو ارادتى السفر انتى فيميل محتاجينيك



التوقيع: اللهم ان الظن بيك جميل

وقلوبنا بك متعلقه

وارواحنا اليك مشتاقه

يا اغنى الاغنياء عنا نحن افقر الفقراء اليك
drmido2020 غير متواجد حالياً  
قديم 09-10-2011, 03:35 PM   رقم المشاركة : [5]
د.زينب جلديه
Member
 
افتراضي

هو التقديم لدبلومة ازهر بنات طبيب حر فتح التسجيل امتي وهيخلص امتي؟؟
ارجو سرعة الرد



د.زينب جلديه غير متواجد حالياً  
قديم 09-11-2011, 12:54 AM   رقم المشاركة : [6]
Mrs.Mahmoud
Senior Member
 
افتراضي

شكرا يا دكتور ميدو على اهتمامك...
انا هشوف فعلا موضوع التقديم فى ازهر بنين...
و هستخير كده على انى اقدم دبلومة...بس خايفة اوى ماتقبلش فيها و ابقى ضيعت على نفسى التقديم فى تخصص تانى...
فيه طبيبة مسافرة عمالة تقولى بلاش دبلومة خالص هتتعاملى على طول طبيب مقيم...
بس يعنى لو الواحد عزز من موقفه بشهادات فى الليزر و كده مش هيفرق ؟اقصد يعنى فى حالة السفر
ء



Mrs.Mahmoud غير متواجد حالياً  
قديم 09-11-2011, 12:56 AM   رقم المشاركة : [7]
Mrs.Mahmoud
Senior Member
 
افتراضي

التقديم يا دكتورة زينب لحد اخر تسعة..
و هقولك على حاجة ظريفة جداا لو انتى طبيب حر
هما عايزين شهادة طبيب حر حديثة و بطاقة مكتوب فيها طبيب حر...يعنى مينفعش واحدة بتاريخ السنة اللى فاتت مثلا
طبعا البطاقة هتاخد اسبوعين...مش مشكلة اعمليها و هاتيلهم الوصل مش لازم تستنى طلوعها
كمان هما عايزين الوصل اللى هتعملى بيه شهادة الطبيب الحر من النقابة...



Mrs.Mahmoud غير متواجد حالياً  
قديم 09-11-2011, 01:47 AM   رقم المشاركة : [8]
meryam
Junior Member
 
افتراضي

يادكاترة بعد اذنكم هى ازهر بنين بتقبل بنات ولا لا؟ ولو حد معاة رقم تليفون ازهر بنين او عنوان الكلية عشان نقدر نسال فيها يكتبة لو سمحتو لان ازهر بنات خلاص مش راضية تاخد حد تانى



meryam غير متواجد حالياً  
قديم 09-11-2011, 12:51 PM   رقم المشاركة : [9]
Mrs.Mahmoud
Senior Member
 
افتراضي

ازاى يا دكتورة مريم مش عايزين حد تانى؟
قالولى ان التقديم لأخر الشهر....
و الموظفة مصممة اجبلها شهادة طبيب حر جديدة و دى لازمها مشوار للنقابة
دى تبقى مشكلة لو كلامك مظبوط



Mrs.Mahmoud غير متواجد حالياً  
قديم 09-15-2011, 06:32 AM   رقم المشاركة : [10]
دكتورة علياء
Senior Member
 
افتراضي

الدبلومة من السنة دي تحولت الى سنتين
يعني ها تعملي منها ماستر عادي
لك الله
قدمي دبلومة وما تقلقيش الا من النجاح



دكتورة علياء غير متواجد حالياً  

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:51 PM.


Powered by vBulletin® Copyright ©2000 - 2014, Jelsoft Enterprises Ltd. TranZ By Almuhajir
الادارة غير مسئولة عن مخالفات الأعضاء لشروط الموقع ولذا لا تتحمل ادارة الموقع عن اي ماده او مشاركه - تم - او سيتم نشرها من قِبل اعضائها ويتحمل صاحب المشاركه كامل المسؤوليه عن اي مخالفه او انتهاك لحقوق الغير والموقع غير مسؤول عن أي اتفاق تجاري أو تعاوني بين الأعضاء فعلى كل شخص تحمل مسئولية نفسه إتجاه مايقوم به من بيع وشراء وإتفاق وأعطاء معلومات شخصية او ارقام تليفوناته او الاتصال باى احد او بيانات موقعه ويتحمل هو مسئوليتها كاملة