سلام عليكم يا دكتور انا ايضا عروسه زفافى فى شهر 10 ان شاء الله زى  وكنت بعانى من الحبوب بردو ورحت لدكاترة كتييير جدا ومفيش فايده لما قريت الموضوع ده جربت الاوية الى حضرتك

وصفتها لها كليندا سول وجرانودوكسى وحسيت بشوية تحسن
لكن علشان ضيق الوقت رحت لدكتورة علشان ممكن تدينى حاجه تضيع اثار الحبوب اسرع وكمان الحبوب نفسها.
ولما رحتلها ادتنى مضاد حيوى كبسولات واحده فى اليوم اسمه فيبراميسين
ومحلول اسمه اكنيمايسين و كريم جل اسمة اكنى روكسيد 5 وقالت لى اوقف الكليندا سول ومقالتش حاجه عن الجرانودوكسى ومقلتش لى انى اروحلها تانى ولا حاجه ولا اكرر الدوا ولا لاء ولا اى حاجه.
لكن بعد ما استعملتهم حسيت ان الحبوب بعد ما ابتدت تنشف طلعت الراس البيضا اللى فيها الماده تانى فمش عارفه ده كويس ولا كده الدوا ده تأثيرة سلبى.
هى قالت لى احط اكنيمايسين وبعدها بعشر دقايق احط اكنيروسيد علية.
انا انهارده حسيت شوية ان الحبوب رجعت تنشف تانى فهل استمر على الادوية اللى هى ادتهالى ولا اعمل ايه؟
وممكن اخد الجرانودوكسى مع الادوية الى هى وصفتهالى ولا لاءوكمان الكليندا سول ينفع ازودهم للادوية الى هى ادتهملى ولو ينفع اوفق ما بينهم ازاى؟ ومع العلم ان انا بحط اكنيمايسين والكريم مرتين فى اليوم . وهل ممكن احط كريم مرطب للبشرة فى الوقت اللى انا مش حاطه فية الادوية.
شكرا جدا

اجابة

مرحب بيكى
بالنسبة للفيبراميسن هو نفسة الجراندوكسى
اسماء تجارية فقط
وكذلك الكلينداميسن وكلينداسول محلول لهم نفس الفاعلية
بس واحد اريثرميسين والاخر كلينداميسين

الجل اللى هو اكنى روكسيد ده بنزويل بيروكسيد 5% وهو كويس
بس دلوقتى الدكتورة قالت مرة واحدة ولا مرتين صباحا ومساء لانه حضرتك سألتى ده
بالنسبة للكريم المرطب للاسف مادامت هناك حبوب بنخاف شوية علشان ممكن يظهر حبوب ملتهبة برده فنستنى شوية لحين هدوء الحبوب
فى حالة حدوث احمرا من الجل زورى الطبيبة
وطبعا رؤيتك من الطبيبة افضل ولو اى سؤال اوكى
بالنسبة  انا لم اصف لها الدواء ولكنها سالت برده عنه
وان شاءالله زواج سعيد

العناية بالبشرة :

ومن خلال موقع أطباء الجلدية (موقع العناية بالبشرة والشعر) نقدم نصائح بسيطة ومنها

الاستحمام:  يفضل الاستحمام يوميا حتى وانت بالبيت وفى حالة الخروج فى درجات الحرارة العالية يفضل الاستحمام مرة اخرى عند العودة ويكون من ماء الصنبور (الحنفية-الدش) العادى

الحفاظ على حيوية الجلد:استخدام منظفات من نوع اللوسيون للجسم لانها خفيفة على الجسد ولطيفة عليه الى جانب مساعدتها فى تخفيف جفاف الجلد وعند عند استخدامك للفوطة او المنشفة لا تفرك الجسم بشدة ولكن عن طريق التجفيف اللطيف او الطبطبة للجسم فقط وذلك لحماية الزيوت الطبيعية للجلد

مكان جيد التهوية: الجلوس فى مكان جيد التهوية حتى لا يحدث تعرق للجلد

الملابس: يفضل ارتداء الملابس القطنية الخفيفة للتهوية الجيدة للجسم وتجنب اى مشكلة لحساسية الجلد نتيجة بعض الملابس الأخرى

آشعة الشمس الشديدة: تجنب التعرض للشمس عند ذهابك الى العمل  او الجامعة وفى فى حالة وجود حساسية لاشعة الشمس يمكنك استخدام محجبات الشمس ووضعها قبل نصف ساعة من الخروج وتكرارها كل ساعتين حتى لو فى العمل ومن الاوقات المناسبة للتعرض للشمس دون مخاطر كبيرة قبل الساعة الثامنة صباحا وهو وقت مناسب للذهاب للعمل وبعد الساعة الرابعة او الخامسة مساء حسب دولتك والجو فيها

التغذية الصحية من الفاكهة والخضروات: تعتبر الخضروات والفواكه مفيدة جدا لما تحتوية على معظم المعادن والفيتامينات ومضادات الأكسدة التى تعتبر مصدر حيوى للجسم ويجب الاهتمام بها جدا

نصائح للعناية بالشعر:

1- ايقاف أى منتجات تستخدمها من تلقاء نفسك حتى لا تسبب ضرر للشعر

2- التغذية الجيدة من الخضروات والفواكه والأسماك مثل الزنك وأوميجا 3

3- عدم تمشيط الشعر بكثرة والتمشيط برفق حتى لا يحدث احتكاك شديد بفروة الرأس

4- استخدام مشط ذو أسنان واسعة للتقليل من التساقط

5- الأكتفاء بغسيل والشعر مرتين أسبوعيا وذلك للتقليل من جفاف الشعر

6- يمنع أى صبغات أو ألوان أو حتى الحنة الطبيعية للشعر (في حالات التساقط)

آخر تحديث للموضوع 3 نوفمبر 2017

مواضيع قد تعجبك للقراءة